Lögreglan í Vestmannaeyjum óskar eftir vitnum að líkamsárás sem átti sér stað á Brekastíg um klukkan 19.30 laugardaginn 1. ágúst.

Þar var einstaklingur sleginn hnefahöggi í höfuðið af óþekktum aðila sem yfirgaf vettvang í kjölfarið. Brotaþoli var fluttur á brott með sjúkrabifreið.

Þau sem urðu vitni að árásinni eða búa yfir upplýsingum um hana eru beðin um að hafa samband við lögregluna í Vestmannaeyjum í síma 444-2090 eða með tölvupósti á vestmannaeyjar@logreglan.is.