Karlalið ÍBV í handbolta er um þessar mundir statt í æfingaferð í Hollandi, sem er liður í undirbúningi liðsins fyrir komandi tímabil í Olís deild karla.

Í gærkvöldi spilaði liðið æfingaleik við hollensku meistarana í Volendam í fyrsta leik ferðarinnar. Leiknum lauk með 29-35 sigri ÍBV. 

Mörk ÍBV: Sveinn José Rivera 8 mörk, Dagur Arnarsson 7, Daníel Ingason 4, Sigtryggur Daði Rúnarsson 4, Kristófer Bárðarson 4, Anton Frans Sigurðsson 3, Atli Steinn Arnarson 2, Haukur Leó Magnússon 2 og Benóný Þór Benónýsson 1.

Alls leikur liðið fjóra leiki í ferðinni, gegn Volendam A og B liði, bandaríska landsliðinu og hollensku liði sem heitir Aalsmeer.