ÍBV vann mikilvægan sigur á KA/Þór á Akureyri
Sandra Erlingsdóttir fór fyrir sóknarleik ÍBV í dag og skoraði 12 mörk. Ljósmynd/Sigfús Gunnar Guðmundsson.

Kvennalið ÍBV í handbolta vann mikilvægan útisigur á KA/Þór, 32-35, í 10. umferð Olís deildar kvenna í dag. Eyjakonur sýndu góðan karakter í síðari hálfleik og sneru leiknum sér í hag um miðjan hálfleikinn.

ÍBV byrjaði leikinn vel og hafði frumkvæðið á fyrstu mínútunum. Eftir sex mínútna leik leiddu Eyjakonur með einu marki, 4-5. Þá tóku heimakonur við sér, náðu forystunni og héldu henni út fyrri hálfleikinn. Mest náðu þær fjögurra marka forskoti, 14-10, en staðan í hálfleik var 19-16, KA/Þór í vil.

Heimakonur héldu áfram að hafa yfirhöndina í upphafi síðari hálfleiks og leiddu 23-20 eftir átta mínútna leik. Eyjakonur voru þó ekki á því að gefast upp og þegar tæpar 13 mínútur voru til leiksloka höfðu þær snúið stöðunni við og komist yfir, 26-28.

ÍBV hélt forskotinu það sem eftir lifði leiks og hafði náð fjögurra marka forystu, 31-35, þegar þrjár mínútur voru til leiksloka. Eyjakonur fögnuðu að lokum þriggja marka sigri, 32-35.

Sandra Erlingsdóttir fór fyrir sóknarleik ÍBV og var markahæst í leiknum með 12 mörk. Cornelia Linnea Hermansen og Ólöf Maren Bjarnadóttir vörðu hvor um sig fjögur skot í marki ÍBV.

Eftir tíu umferðir situr ÍBV í öðru sæti deildarinnar með 17 stig, tveimur stigum á eftir toppliði Hauka sem unnu 24-30 sigur á HK fyrr í dag. KA/Þór er í sjöunda sæti með fjögur stig.

Mörk ÍBV: Sandra Erlingsdóttir 12 mörk, Amelía Dís Einarsdóttir 5, Ásdís Halla Hjarðar 5, Ásta Björt Júlíusdóttir 4, Andrea Jacobsen 3, Agnes Lilja Styrmisdóttir 2, Alexandra Ósk Viktorsdóttir 2, Birna María Unnarsdóttir.

 

Nýjustu fréttir

ÍBV vann mikilvægan sigur á KA/Þór á Akureyri
Verslum í heimabyggð
Í þjónustu við útgerðir og Eyjamenn í 45 ár
Herjólfur til Þorlákshafnar
ÍBV mætir KA/Þór á Akureyri
Úrslitakvöld Vöruhúsdeildarinnar í Höllinni á morgun
Feðgarnir mættust í þýsku B-deildinni – Erlingur fagnaði sigri
Gul viðvörun á Suðurlandi á laugardagskvöld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.