Gott Reykjavík lokar

Rekstr­araðilar GOTT í Reykja­vík hafa ákveðið að loka dyr­un­um frá og með næstu mánaðamót­um. Staður­inn hef­ur notið mik­illa vin­sælda meðal borg­ar­búa en GOTT í Vest­manna­eyj­um verður áfram op­inn.

Að sögn rekstr­araðila bjóða aðstæður í þjóðfé­lag­inu ekki upp á annað eins og staðan er. „Það hef­ur auðvitað orðið al­gjör for­sendu­brest­ur,“ seg­ir Klara Óskars­dótt­ir, rekstr­ar­stjóri GOTT í Reykja­vík og einn eig­enda. „Við erum staðsett inni á Icelanda­ir Konsúlat-hót­el­inu sem er lokað og verður að minnsta kosti fram á næsta vor. Það flæk­ir mál­in tölu­vert þar sem rekstr­ar­kostnaður okk­ar eykst um­tals­vert við að vera ein með starf­semi í hús­inu en það hef­ur löng­um verið stefna GOTT að vera með litla álagn­ingu á mat og drykk. Þetta er því tölu­vert snúið og við met­um það svo að þetta sé það skyn­sam­leg­asta í stöðunni. Hvað við ger­um næst kem­ur í ljós en aðdá­end­ur GOTT þurfa ekki að ör­vænta því staður­inn í Vest­manna­eyj­um er ennþá op­inn og alltaf jafn vin­sæll,“ seg­ir Klara.

„Við ákváðum að til­kynna þetta fyr­ir­fram þannig að okk­ar tryggu kúnn­ar hefðu tök á að næla sér í síðustu kvöld­máltíðina áður en við skell­um í lás. Það hafa all­ir full­an skiln­ing á þess­ari ákvörðun okk­ar en við vild­um ekki steypa okk­ur í skuld­ir til þess eins að lifa vet­ur­inn af. Þetta var ákvörðun sem var erfið en það eina sem okk­ur þótti boðleg.“

GOTT Reykja­vík verður sem fyrr seg­ir opið til mánaðamóta en verður þá lokað. Ekki er ljóst hvert fram­haldið verður og mun það vænt­an­lega ráðast á næstu mánuðum hvort for­send­ur séu fyr­ir því að opna á ný.

mbl.is greindi frá

Nýjustu fréttir

Úr blaði Eyjafrétta
Þóra Guðný og Svenni um bygginarframkvæmdina  
Fréttir
Gular viðvaranir víðast hvar
Samgöngur
Ófært til lands – uppfært
Fréttir
Gyllta flóran keppir fyrir hönd Féló
Sjávarútvegur
Bíða enn eftir alvöru vertíðarstemmningu
Aðsend grein
Ferðaþjónustan er öflug atvinnugrein sem þarf tryggar samgöngur
Fréttir
Gul viðvörun á Suðurlandi: Búist við þrumuveðri
Áhugavert
Evrópudagur talþjálfunar er í dag
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.