Ljóst er að verkfallsaðgerðir félaga í BHM trufla talsvert starfsemi Heilbrigðisstofnunar Suðurlands í Vestmannaeyjum. Aðgerðirnar hófust á þriðjudaginn, 7. apríl. Neyðartilfellum er þó sinnt.

Mest er röskunin á störf geislafræðinga sem hafa frá 7. apríl verið í ótímabundnu verkfalli allan daginn. Á rannsóknarstofunni er einn starfsmaður í Félagi lífeindafræðinga og annar í Félagi náttúrufræðinga. Fyrrnefnda félagið hefur verið í ótímabundnu verkfalli milli kl. 8.00 og 12.00 frá 7. apríl. Félagsmenn í Félagi náttúrufræðinga, annarstaðar en á Landspítalanum og Matvælastofnun eru í verkfalli frá 12.00 til 16.00. Minni truflun er því á rannsóknum í Eyjum en ella og suma daga eru blóðprufutökur á morgnana eins og venjulega. Seinkanir gætu orðið á úrvinnslu sýna. Hvað ljósmæður varðar þá er verkfall hjá þeim eftir hádegi. Aðgerðirnar hafa engin áhrif á starf sjúkraþjálfara sem ekki eru ríkisstarfsmenn.

Stofnunin vill koma á framfæri að í öllum tilfellum er vaktþjónusta fyrir neyðartilfelli til staðar. �?etta er staðan samkvæmt boðuðum aðgerðum en verði frekari aðgerðir boðaðar af BHM má búast við víðtækari aðgerðum og víðtækari áhrifum.