- Eyjafréttir
- ·
- Íþróttir
- ·
Áfram fríar rútuferðir
Boðið verður upp á rútuferð í leik 4 í einvígi ÍBV og Hauka í undanúrslitum Olísdeildar kvenna. Með sigri geta stelpurnar okkar tryggt sér sæti í úrslitaeinvíginu.
Ísfélagið og Herjólfur bjóða þér frítt far! Ísfélagið býður stuðningsmönnum fría rútuferð og Herjólfur miða í ferjuna fyrir þá sem ferðast með rútunni. Við þökkum þeim kærlega fyrir þetta óeigingjarna framtak.
Leikurinn er á laugardaginn, 6.maí, kl.15:00 á Ásvöllum í Hafnarfriði.
Planið er eftirfarandi:
Herjólfur kl.09:30 frá Eyjum (frítt í Herjólf fyrir þá sem fara með rútunni)
Farið á Ölhúsið í Hafnarfirði í stutta upphitun og svo á Ásvelli á leikinn, sem hefst kl.15:00. Þar myndum við alvöru Eyjastemningu og hvetjum stelpurnar okkar til sigurs!
Herjólfur frá Landeyjum kl.20:45
ATH, börn fædd 2008 og síðar þurfa að vera í fylgd með forráða-/ábyrgðarmanni!
Vinsamlegst fyllið út eftirfarandi form til að skrá ykkur í rútuferðina. Síðasti séns til að skrá sig er kl.22:00 í kvöld, föstudaginn 5.maí.
