Það er mikilvægur leikur framundan hjá ÍBV karla í Lengjudeildinni þegar þeir mæta Leikni á útivelli á núna klukkan 14.00. ÍBV er í efsta sæti deildarinnar með 38 stig en á hæla þeirra kemur Fjölnir með stigi minna. Sigur Eyjamanna tryggir þeim sæti í Bestu deildinni að ári. Ef ekki, er framundan fjögurra liða umspil.

Það er því í höndum okkar manna að klára dæmið í dag og vegarnestið er gott eftir stór sigur á Grindavík á sunnudaginn

Til að styðja við liðið og skapa stemningu á leiknum buðu Ísfélagið og Herjólfur upp á fría rútuferð og Herjólfsferð á leikinn. Það má því búast við góðri stemningu á vellinum því Eyjamenn kunna öðrum betur að styðja sitt fólk.