- Eyjafréttir
- ·
- Fréttir
- ·
Ákærður fyrir árás með skærum
Karlmaður á fimmtugsaldri hefur verið ákærður af embætti héraðssaksóknara fyrir að hafa ráðist að lögreglumanni og fyrir sérstaklega hættulega líkamsárás þegar hann réðst að öðrum manni með skærum og reyndi ítrekað að stinga hann.
Í ákærunni kemur fram að maðurinn hafi 23. september árið 2014 ráðist að lögreglumanni í Vestmannaeyjum sem hafði afskipti af manninum. Sló hann lögreglumanninn með krepptum hnefa í vinstri vanga.
�?á réðst maðurinn að kvöldi 24. júlí að fertugum manni á heimili sínu í Vestmannaeyjum. Var maðurinn með skæri og skar manninn á nefi og sköflungi með skærum ásamt því að reyna ítrekað að stinga manninn með skærunum. Varðist sá sem varð fyrir árásinni árásarmanninum og hélt honum niðri og náði skærunum af honum. Krefst sá sem varð fyrir árásinni 300 þúsund króna í miskabætur.
