- Eyjafréttir
- ·
- Fréttir
- ·
Allt að verða klárt fyrir Sirkus Íslands
Sirkus Íslands hóf að setja upp sirkus tjaldið sitt, Jöklu á mánudaginn var og er nú allt að verða tilbúið á malarvellinum við Löngulág en fyrsta sýning er á morgun klukkan 17. Miðasalan við tjaldið hefur verið opnuð og verður opin frá 10-17 og fram að síðustu sýningu dagsins einnig er hægt að nálgast miða inn á miði.is en enn eru til miðar á allar sýningar. Alls verða átta sirkus sýningar frá fimmtudegi til sunnudags.
Sirkusinn sýnir þrjár mismunandi sýningar hér í Vestmannaeyjum og þær eru; Fjölskyldusýninguna Heima er best, krakkasýninguna S.I.R.K.U.S. og fullorðinskabarettinn Skinnsemi sem er bönnuð innan 18 ára.
Meðfylgjandi eru myndir af tjaldinu sem Halldór B. Halldórsson tók og blaðamaður Eyjafrétta.
