Í kvöld mun trommuleikari okkar Eyjamanna, Birgir Nielsen, halda útgáfutónleika á Háaloftinu og kynna nýútgefna plötu sína, Svartur 2, ení gærkvöldi var hann með útgáfutónleika á Kex í Reykjavík sem hann segir að hafi heppnast mjög vel.

Birgir hefur mikla reynslu í tónlistarheiminum og hefur starfað sem atvinnutónlistarmaður nær óslitið síðan 1990. Hann hefur til að mynda spilað með Landi & sonum, Vinum vors og Blóma, Sælgætisgerðinni, U2 Project, Klaufum, Blítt & Létt og svo auðvitað Tyrkja Guddu sem rokkar á hverju ári til heiðurs sjómönnum í Höllinni. Birgir byrjaði að spila á trommur sex ára gamall og var alltaf staðráðinn í að verða trommuleikari. Með honum eru nokkrir af bestu hljóðfæraleikurum landsins.

Húsið verður opnað klukkan 20.00 og tónleikarnir hefjast klukkan 21.00 og það verður Litla Lú sem hitar upp.

Myndirnar eru frá tónleikunum á Kex í gærkvöldi.