Manni bregður í brún þegar ein af inngöngudyrum okkar Íslendinga að Evrópu verður fyrir árás hryðjuverkamanna eins og gerðist í gærmorgun á flugvellinum í Brüssel. �?ar urðu tvær sjálfsmorðssprengingar og á þriðja tug lést og tugir eru alvarlega særðir. �?á voru fréttir á sama tíma um að sprengja hafi sprungið á lestarstöð skammt frá skrifstofum Evrópusambandsins. ´

�?að gengur á ýmsu í Evrópu, umrót mikið og eru hryðjuverkin einn anginn af því. Af öðrum meiði er það sem er að gerast í �?kraínu sem hefur verið vettvangur mikilla átaka undanfarin ár. Gestir í Einarsstofu á laugardaginn fengu innsýn í það sem þar er að gerast, annars vegar á mjög áhrifamikilli ljósmyndasýningu og ekki síður í upplýsandi fyrirlestri Stefáns Hauks Jóhannessonar, ráðuneytisstjóra í utanríkisráðuneytinu.

Við upphaf átakanna í ársbyrjun 2014 var hann kallaður til sem yfirmaður alþjóðlegs eftirlitsteymis �?ryggis og Samvinnustofnunar Evrópu �?SE í Kænugarði. Á Sjálfstæðistorginu þar sem andófsfólk hafði komið sér fyrir kom til blóðugra átaka sem enduðu með miklum hörmungum. Stefán upplifði eftirköst átakanna ásamt því að vera kominn á vettvang sólarhring eftir að malasíska farþegavélin var skotin niður skammt frá rússnesku landamærunum 17. júlí 2014. Stefán fór líka til Chernobyl þar sem stærsta kjarnorkuslyss sögunnar varð árið 1986. Og myndavélin var með í för.

Sýning Stefáns stendur næsta mánuðinn og vel þess virði að kíkja við í Einarsstofu og líta á myndir Stefáns sem segja mikla sögu. Hann hefur næmt auga fyrir viðfangsefninu og tekst ætlunarverk sitt, að sýna andstæður stríðsins þar sem blóðið flýtur á meðan daglegt líf gengur næstum sinn vanagang.