Mikið verður um dýrðir um páskana í Landakirkju. Á skírdagskvöld verður Guðsþjónusta kl. 20:00. Kirkjugestir geta þá gengið til altaris áður en það verður afskrýtt líkt og vaninn er á þessum degi. Á föstudaginn langa verður píslasagan svo megin þema Guðsþjónustunnar sem hefst kl. 11:00 en hún verður lesin af sex sóknarbörnum. Á páskadagsmorgun verður messað kl. 8:00 og að messu lokinni býður sóknarnefnd sóknarbörnum upp á morgunverð. Guðsþjónusta verður á Hraunbúðum kl. 10.30.

Að sjálfsögðu eru allir velkomnir.