Fjórði leikur ÍBV og Hauka í undanúrslitaeinvígi karla í handbolta fer fram í kvöld. Staðan er 2-1 fyrir ÍBV en Eyjamenn unnu fyrstu tvo leikina, 35-30 og 27-23. Á laugardag unnu Haukar hins vegar 28-25 á heimavelli og geta því jafnað einvígið með sigri í Vestmannaeyjum í kvöld. Takist ÍBV hins vegar að vinna er liðið komið í úrslitin um Íslandsmeistaratitilinn þar sem Valsmenn bíða.
Leikur ÍBV og Hauka hefst klukkan 18:00 í kvöld. Miðasala er hafin á Stubbur-app en leikurinn er einnig í beinni útsendingu á Stöð 2 sport.
