Í tilefni af Gulum september ferðast landssamtökin Geðhjálp um landið og bjóða upp á samtal um geðrækt og geðheilsu í bland við tónlist og gleði.

Geðlestin er heiti verkefnisins en það hefur áður farið um landið en þá var áherslan á börn og ungmenni. Núna er ætlunin að hitta sveitarstjórnir, félags- og skólamálayfirvöld annars vegar og almenning hins vegar.

Geðlestin kom í safnaðarheimili Landakirkju á fimmtudaginn sl. og var það bæði fræðandi og skemmtileg kvöldstund. Í lokin stigu þeir félagar Emmsjé Gauti og Þormóður á svið og léku nokkur lög til að árétta að geðrækt er líka gleði og skemmtun. Óskar Pétur Friðriksson, ljósmyndari leit þar við og smellti meðfylgjandi myndum.