Veðurstofan hefur gefið út gula viðvörun vegna veðurs á Suðurlandi og á Suðausturlandi. Á Suðurlandi tekur viðvörunin gildi á miðnætti og gildir hún til klukkan 15:00 á morgun. Í viðvörunartexta segir: Gengur í norðaustan 10-18 m/s með snjókomu og slæmu skyggni. Versnandi akstursskilyrði.

Í hugleiðingum veðurfræðings frá í morgun segir að í dag sé spáð fremur hægri norðanátt og dálitlum éljum norðanlands. Hægt vaxandi austan- og norðaustanátt og þykknar upp vestanlands, 13-20 og snjókoma sunnanlands undir kvöld. Útlit fyrir hríðarbyl á Suðurlandi í nótt og framan af morgundegi.

Bætir í vind norðanlands síðdegis á morgun með samfelldri snjókomu. Frostlaust allra syðst en annars frost 0 til 8 stig. Enn er nokkur óvissa um staðsetningu úrkomubakkana og er fólk hvatt til að fylgast vel með spám.

Nánar um veðrið.