- Eyjafréttir
- ·
- Fréttir
- ·
Hákon Daði með stórleik gegn Spánverjum
Opna Evrópska mótið í handknattleik fer nú fram um þessar mundir í Svíþjóð. �?etta er tíunda árið sem mótið er haldið en það fer fram á sama tíma og Partille Cup, sem er vinsælt handboltamót. Á þessu móti koma landslið unglinga undir 19 ára saman frá helstu þjóðum Evrópu.
Fulltrúi ÍBV á mótinu er hinn eldsnöggi Hákon Daði Styrmisson en hann er vinstri hornamaður. Tveir aðrið Eyjamenn hafa verið í og við hópinn en fóru ekki út í þetta skiptið, þeir eru Dagur Arnarsson og Nökkvi Dan Elliðason. Dagur sem hefur verið í hópnum gaf ekki kost á sér í verkefni sumarsins.
Íslenska liðið byrjaði mótið gríðarlega vel en það lenti í riðli með Portúgölum, Finnum og Georgíu.
Á mánudaginn spiluðu Íslendingar við Finna en þeim leik lauk með fjögurra marka sigri Íslands, Hákon Daði skoraði eitt mark í leiknum. Staðan var jöfn 13:13 í hálfleik.
Seinna um daginn kepptu þeir við Georgíu sem eru ekki með frambærilegt landslið. Íslenska liðið var einungis tveimur mörkum yfir í hálfleik en þeir kláruðu dæmið í seinni hálfleik. Leiknum lauk 19:32 en Hákon Daði skoraði 8 mörk í leiknum.
Í gær spilaði liðið við Portúgali um efsta sætið í riðlinum. Íslenska liðið spilaði nokkuð vel en Portúgalir voru þó tveimur mörkum yfir í hálfleik. Íslendingar voru fljótir að saxa á forskotið og sigu fram úr í lokin, eins marks sigur og toppsætið því staðreynd. Hákoni Daða tókst að skora þrjú mörk í leiknum.
Í dag var síðan fyrir fram erfiðasti leikur mótsins. Liðið spilaði við Spánverja sem eru með ógnarsterkt lið, eitt besta lið Evrópu um þessar mundir. Staðan í hálfleik var jöfn 15:15, en með frábærum seinni hálfleik tókst strákunum að landa eins marks sigri. �?eir eru því í frábærri stöðu fyrir restina af mótinu. Hákon Daði Styrmisson átti stórleik og skoraði fimm mörk, að hans sögn var þetta besti leikur hans á mótinu.
Mikil aðsókn er á leiki í mótinu en þeir fara fram í Valhalla, sem er stór höll staðsett í Gautaborg. 450 manns sáu Hákon Daða og félaga skella Spánverjum.
Nýjustu fréttir
Mest lesið
