- Eyjafréttir
- ·
- Fréttir
- ·
Heimaklettur - Göngugöng undir Löngu í íbúakönnun
Á síðasta fundi umhverfis- og skipulagsráðs var tekið fyrir að nýju erindi Árna Johnsen sem fh. áhugahóps óskar eftir að ráðið hrindi af stað skipulagslegri úttekt á gerð gönguganga um Neðri Kleifar undir Löngu. Fyrir lá greinargerð skipulagsráðgjafa.
Ráðið þakkaði skipulagsráðgjafa fyrir greinargerðina og lýsti yfir áhuga á að bæta aðgengi að Löngu. Ráðið telur æskilegt að gefa íbúum beint og milliliðalaust svigrúm til að móta afstöðu sveitarfélagsins til þessarar framkvæmdar og leggur til við bæjarstjórn að framkvæmd verði íbúakönnun hvað málið varðar. Kosið verði um þrjá kosti, 1. Göngugöng sbr. umsókn. 2. Endurbygging á gönguleið með berginu. 3. óbreytt aðgengi.
Í athyglisverðri grein sem birtist á Eyjafréttum.is 25. febrúar sl. bendir Pétur Steingrímsson, sem þekkir Heimaklett felstum öðrum betur á hættu á hruni úr Heimakletti ofan við Löngu. Með greininni eru nokkrar myndir sem styðja skoðun Péturs.
