- Eyjafréttir
- ·
- Fréttir
- ·
Helstu verkefni lögreglunnar, dagana 15.-22.mars
Lögreglan hafði í ýmsu að snúast í vikunni án þess þó að um alvarleg mál hafi verið að ræða. Skemmtanahald helgarinnar fór fram með ágætum og lítið um útköll á öldurhús bæjarins. Eitthvað var þó um að aðstoða þurfti fólk sökum ölvunarástands þess.
Á miðvikudaginn í liðinni viku var lögreglu tilkynnt um að létt bifhjól hafi verið tekið ófrjálsri hendi. Lögreglan fann hjólið skömmu síðar þar sem því var ekið upp á Nýjahraun og voru tvo ungir drengi á hjólinu. Hvorugur drengjanna hafði réttindi til aksturs auk þess sem hjólið var óskráð. Viðurkenndu þeir að hafa tekið hjólið og telst málið að mestu upplýst.
Fjögur fíkniefnamál komu upp í vikunni og var lagt hald á lítisháttar af kannabisefnum og kókaín í tengslum við rannsókn málanna. Málin teljast að mestu upplýst.
