Hvað gerðist, hvernig gerðist það og hvað var öðruvísi en venjulega?

Fyrirlesarar voru þeir Halldór Halldórsson, forvarnafulltrúi Alcan, Reynir Guðjónsson frá VÍS, Sigurður Jónsson frá TM, Hjörtur Kristjánsson frá Heilbrigðisstofnun Vestmannaeyja, Haukur Jónsson frá Lífeyrissjóði Vestmannaeyja, Ingimundur Valgeirsson, frá Slysavarnaskóla Landsbjargar og Sveinn Hjörtur Hjartarson frá LÍ�?. Arnar Sigurmundsson stýrði svo umræðum og fyrirspurnum í lok fundarins.

Um 63% slasaðra á sjó eru undirmenn
Sveinn reið á vaðið en í máli hans kom fram að slysum á sjómönnum fer fækkandi og þá sérstaklega banaslysum. Algengustu slysin á sjó eru fallslys ýmiss konar eða rúm 25% slysa á sjó. Næstalgengust eru slys við vindur og stungur ýmiss konar koma þar skammt á eftir. Flest slysin verða um borð í fiskiskipum og flest verða þau þegar unnið er við veiðar eða 71% allra slysa á sjó. Undirmenn á þilfari eru í mestri slysahættu eða 63% þeirra sem slasast á sjó og eru þeir helst á aldrinum 34 til 50 ára, sem líklega er nærri lagi að vera meðalaldur sjómanna í dag.
Helst verða slys milli kl. tíu og ellefu árdegis, milli tvö og þrjú síðdegis og fjögur og fimm síðdegis. Helstu skýringar á þessu væru vaktaskipti sem ættu sér stað á þessu tímabili.
�?á kom fram í máli Sveins að áætluð meðalgreiðsla, vegna slysa sjómanna, var árið 2002 um níu milljónir króna en í dag væru sömu greiðslur um fimm milljónir.

Líta til álvers í forvarnastarfinu
Í máli Sigurgeirs Brynjars, í upphafi fundarins, kom fram að lykilatriði fyrir fundahöldunum hafi verið að fá Halldór Halldórsson frá Alcan en álverið hefur náð einstaklega góðum árangri í forvörnum gegn vinnuslysum.
Fyrirlestur Halldórs var forvitnilegur, sérstaklega þegar hann bar saman tölur áður en tekið var föstum tökum á forvörnum og til dagsins í dag. Í álverinu í Straumsvík er rík áhersla lögð á öryggisstjórnun og forvarnir á vinnustað. Unnið er eftir alþjóðlegum stöðlum, EHS, sem stendur fyrir umhverfi, heilsa og öryggi. Halldór sagði að fyrirtæki á bandarískum fjármálamarkaði væru í síauknum mæli að átta sig á mikilvægi þess að vinna eftir öryggisstöðlum þar sem það bæði sparaði fjármuni og byggi til betri vöru, sem aftur skapaði meiri viðskipti.
Halldór sagði að auk þess sem mikil áhersla væri lögð á öryggi hjá Alcan þá ættu sömu reglur við verktaka sem vinna fyrir fyrirtækið. �?Svo tökum við núna þátt í verkefninu Hjólað í vinnuna, hjá ÍSÍ. Starfsmenn okkar, sem taka þátt í verkefninu, eru orðnir vel þekktir í Hafnarfirði því við létum alla fá hjálma og vesti svo þeir kæmust á sem öruggastan hátt til vinnu. �?etta er lítið dæmi um það hvernig unnið er að öryggi starfsmanna,�? sagði Halldór.

Umfjöllun um fundinn er í heild sinni í Fréttum.

Nýjustu fréttir

Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.