Næst síðasta umferð Lengjudeildar karla hófst í gær með leik nágrannana í Njarðvík og Keflavík. Lyktaði leiknum með markalausu jafntefli, sem kemur sér ágætlega fyrir ÍBV í toppbaráttunni. Eyjamenn eru því enn á toppi deildarinnar með 35 stig, jafn mörg og Keflavík sem hefur leikið leik meira.

Þér er boðið á síðasta heimaleik sumarsins

Í tilkynningu frá knattspyrnudeild ÍBV segir að strákarnir séu staðráðnir í að tryggja sig beint upp í deild þeirra bestu og stefna því á sigur í dag þegar Grindavík kemur í heimsókn.
Það verður blásið til veislu á Hásteinsvelli klukkan 13.00 með alvöru upphitun þar sem fýrað verður upp í grillinu og ætlum við að skapa góða stemmingu fyrir leikinn. Ísfélagið býður öllum frítt á völlinn og hvetjum við því ykkur til að fjölmenna, mæta í hvítu og styðja strákana á lokasprettinum.