Jóhann Magni Jóhannsson einn besti leikmaður 3. deildar er kominn heim í sitt gamla félag KFS í Vestmannaeyjum. Jóhann Magni hefur raðað inn mörkunum fyrir Reyni Sandgerði undanfarin ár og skoraði m.a. 14 mörk í 15 leikjum í 3. deild í fyrra og var næst markahæstur í deildinni. Magni ólst upp í Eyjum og lék síðast með KFS fyrir 10 árum síðan. Jóhann Magni er 32 ára hefur skorað 91 mark í 186 leikjum og er því gríðarlega mikill fengur fyrir Eyjaliðið. KFS býður Magna hjartanlega velkominn á heimaslóðir.