„Það sem hvetur mig enn frekar til dáða í þessu er að ég tek eftir því að það eru engir Vestmannaeyingar að birtast á listum hjá öðrum flokkum,“ er haft eftir Karli Gauta í fréttinni.
- Eyjafréttir
- ·
- Stjórnmál
- ·
Karl Gauti aftur í framboð?
Karl Gauti Hjaltason, lögreglustjóri í Vestmannaeyjum og fyrrverandi þingmaður Miðflokksins, segir – í samtali við Vísi – að búið sé að hafa samband við hann varðandi það að taka sæti á lista Miðflokksins í Suðurkjördæmi. Haft er eftir honum að hann íhugi það vandlega að taka sæti á lista flokksins verði honum boðið oddvitasætið.
Tómas Ellert Tómasson, fyrrverandi bæjarfulltrúi í Árborg, hafði áður gefið kost á sér til að leiða lista flokksins í Suðurkjördæmi. Hann tilkynnti í færslu á Facebook að vegna persónulegra ástæðna dragi hann framboð sitt til baka. „Ég þakka kærlega fyrir stuðninginn og hvatninguna. Þið vitið hver þið eruð,“ kom fram hjá Tómasi.
Búist er við að Miðflokkurinn kynni framboðslista sinn í Suðurkjördæmi á allra næstu dögum.
