Nýr leitarhundur afhentur í dag
8. janúar, 2016
Kiwanisklúbburinn Helgafell afhenti lögreglunni í Vestmannaeyjum nýjan leitarhund í dag en hundurinn er gjöf Kiwanismanna til lögreglunnar. Lögreglan fékk hundinn formlega afhentan á lögreglustöðinni í dag og lýsti yfir gríðarlegu þakklæti til Kiwanismanna og velunnara.
Nýi leitarhundurinn Rökkvi er þriðji hundurinn sem Kiwanis gefur lögreglunni og hafa þeir einkum verið notaðir til fíkniefnaleitar. Til stendur að þjálfa Rökkva einnig upp í sporaleit þannig að hundurinn nýtist einnig til leitar að fólki. Rökkvi er tæplega árs gamall labrador retriever.
Leitarhundur er eitt mikilvægasta tækið í baráttunni við fíkniefni og er lögreglan sannfærð um að hundurinn muni nýtast samfélaginu öllu en hinir tveir hundarnir sem hafa verið í þjónustu lögreglunnar hafa heldur betur sannað gildi sitt. Lögregla telur leitarhund mikilvægt tæki bæði við forvarnir og að upplýsa brot og það sem er mest um vert að koma fíkniefnum úr umferð.
Kiwanisklúbbnum færum við bestu þakkir frá lögreglu og samfélaginu öllu segir á facebook síðu Lögreglunar í Vestmannaeyjum.
Skoða blaðið á netinu
Forsida 12 Tbl 2024
12. tbl. 2024
Mest lesið
viðburðir
Fylgstu með

Skráðu þig á fáðu nýjustu tilkynningar fyrst