Makrílvertíð án þjóðhátíðarhlés

Makrílvertíð án þjóðhátíðarhlés

Makríllinn í Smugunni vonast trúlega eftir því að geta sveiflað sporði áhyggjulaust á meðan þjóðhátíð varir í Vestmannaeyjum. Svo verður ekki. Vertíðin hefur sinn gang, bæði veiðar og vinnsla. Það á að minnsti við um Vinnslustöðina.

Öll uppsjávarskipin fjögur eru á sjó og vinna í landi verður í samræmi við aflann sem berst að landi. Þannig verða vélar ræstar síðdegis í dag (þriðjudag) þegar byrjað verður að landa úr Kap VE og á fimmtudaginn er Ísleifur VE væntanlegur heim til löndunar. Þar með er fyrir séð að hráefni sé tryggt til vinnslu til laugardags. Svo er spurning um hvernig veiðar gangi hjá Hugin VE sem yrði þá næsta skip í löndunarröðinni.

Sindri Viðarsson, sviðsstjóri uppsjávarsviðs VSV, segir að staðan á makrílvertíðinni sé annars góð:

„Þetta er ágætis kropp. Við höfum veitt meira en á sama tíma í fyrra og nú er um þriðjungur kvótans veiddur. Vinnslan gengur vel og fiskurinn fer batnandi. Makríllinn var magur framan af en fitnar nú hratt og við sjáum mun á ástandi hans til hins betra í hverjum túr.

Mótdrægt er hve miðin eru norðarlega í Smugunni. Siglingin tekur hálfan þriðja sólarhring hvora leið.“

 

Fyrir margan Eyjamanninn er þjóðhátíðin í Herjólfsdal heilagri tími en allt sem heilagt er eða alla vega flest. Sumir vildu frekar fjör í Dalnum en makríl og varð því að manna ýmsar stöður til lands og sjávar með afleysingafólki. Það gekk bara ljómandi vel, segir Lilja B. Arngrímsdóttir, yfirmaður starfsmannahalds VSV:

„Flestir gera sér grein fyrir því að erfitt er að stöðva vertíðina svo dögum skiptir. Margir í starfsmannahópnum okkar vilja vinna þjóðhátíðardagana og reynt var eftir megni að uppfylla óskir þeirra sem vildu frí með því að fá afleysingafólk.

Við náðum að manna vaktir svo fljótt og vel að undrun sætir. Það á líka við um afleysingar fyrir iðnaðarmennina í Hafnareyri og áhafnir skipanna. Skipulagið gekk ótrúlega vel og allir sem koma þar að málum eiga mikið hrós skilið.“

Afleysingamenn voru ekki allir sóttir innan túngarðs VSV í Eyjum. Til að mynda er mættur tæknimaður alla leið frá Portúgal til að vinna í makríl á meðan glaumur og gleði ríkir í Herjólfsdal!

Af heimasíðu Vinnslustöðvarinnar, vsv.is.

Nýjustu fréttir

Fréttir
Styttist í að sundlaugin opni
Aðsend grein
Segjum það sem við getum staðið við
Áhugavert
Guðrún Erlings lætur fimmtán ára draum rætast
Aðsend grein
Framtíðin er í okkar höndum
Aðsend grein
Flugútboð til Eyja
Aðsend grein
Óásættanlegt ástand í Landeyjahöfn
Aðsend grein
Mokstur á þjóðveginum til Vestmannaeyja
Íþróttir
ÍBV fær ÍR í heimsókn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.