Með fyrstu vél sem lenti í Eyjum

Garðar Sigurðsson – Þingmaður og bæjarfulltrúi:

Í jólablaði Frétta 1989 var stórt viðtal við Garðar Sigurðsson sem var bæjarfulltrúi og síðar þingmaður Alþýðubandalagsins. Garðar hafði setið tvö ár á þingi þegar Heimaeyjargosið hófst, 23. janúar árið 1973. Hann ætlaði til Eyja þá um helgina en komst ekki vegna veðurs, en var í fyrstu flugvélinni sem lenti á Vestmannaeyjaflugvelli þá um nóttina.

Hvernig var þér innanbrjósts? „Ég man það ekki svo, en þetta var hræðilegt. En þegar upp var staðið var þetta alveg einstaklega vel lukkað gos ef svo má segja, að það skuli koma upp eldgos í kaupstað, enginn ferst og allir komast strax í burtu. “

Garðar átti sæti í stjórn Viðlagasjóðs og starfaði mikið að því er laut að gosinu. Fólksflutningum, húsnæðismálunum, uppbyggingunni og bótum sem Eyjamönnum voru ætlaðar. „Menn voru hundóánægðir með bæturnar sem komu misjafnlega niður. Þær voru miðaðar við brunabótamat og þeir sem höfðu lagað húsin sín án þess að láta meta upp á nýtt fóru illa út úr þessu.“

Ein martröð allt saman

Garðar segist aldrei hafa efast um að Vestmannaeyjar byggðust á ný. „Ég var alveg viss um það og það er skjalfest, en það voru menn í Vestmannaeyjum sem voru vissir um að þetta myndi ekki blessast. Maður sá að hraunið þykknaði fljótt þegar leið á gosið, svo hallaði frá sprungunni til sjávar og einnig hafði kælingin einhver áhrif.

Það er náttúrulega mikil tilviljun að gosið kom upp austan við alla byggð. Við getum gert okkur í hugarlund hvað hefði gerst ef það hefði komið t.d í gegnum Skólaveginn. Þetta var sjálfsögðu rosalegt sjokk.

Svo komu snjóflóðin á Norðfirði rétt á eftir. Þetta var ein martröð allt saman. Það var einstök lukka að það fór ekki steinn inn fyrir hafnargarðinn og ég held að kælingin hafi haft þar einhver áhrif.“ Garðari finnst enn þann dag í dag að þetta hafi verið ansi mikið að fá þetta allt yfir sig á fyrsta kjörtímabili sínu, en áfram hélt lífið.

Nýjustu fréttir

Fréttir
Gul veðurviðvörun á Suðurlandi
Áhugavert
Ný bók Sigurgeirs fangar mál, menningu og sögu Vestmannaeyja 
Myndband
Óli á Stapa leiðir gesti um fjölskyldusýningu í Svölukoti
Fréttir
Erna Sólveig – Hjálparstarf í Afríku og nám í Svíþjóð
Úr blaði Eyjafrétta
Hvað vita börnin um eldgosið á Heimaey: Gabríela Máney
Aðsend grein
Blessuð sé minning starfshópsins
Úr blaði Eyjafrétta
Hvað vita börnin um eldgosið á Heimaey: Bjarki Þór
Úr blaði Eyjafrétta
Hvað vita börnin um eldgosið á Heimaey: Haraldur Dúi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.