Marzena Harðarson Waleszczyk er eiginkona Eyjapeyjans Smára Harðarsonar. Marzena byrjaði að vinna með mosa og skapa úr honum list árið 2021. Hélt hún sýningu á verkum sínum á Goslokahátíð. Hugmyndina fékk hún fyrir nokkrum árum og er hún í stuttu máli þannig að hún færir mosann í sinni náttúrulegri mynd inn á vegg fyrirtækja og heimila. Þessi hugmynd hefur róandi áhrif á umhverfið og færir nútímamanninn nær náttúrunni og færir okkur inn í skóginn í huganum. Andrúmsloftið í rýminu verður því afslappaðra. Hún hefur selt verkin sín með góðum árangri enda er hún með margar og góðar hugmyndir auk þess að vera með gríðarlegan áhuga og elju í vinnu og hugmyndum.  Marzena verður með sýningu á verkum sínum á Goslokahátíðinni.

Blaðamaður Eyjafrétta hafði samband við hana og forvitnaðist hvernig hugmynd hennar kviknaði og hvernig hún vinnur með mosann sem list og eiginleika hans: „Hugmyndin kviknaði þegar ég var að vinna í  verslunarmiðstöð í Póllandi og sá vegg þakinn fallegum mosa og spurðist fyrir um þetta listaverk. Ég heillaðist og ákvað að prófa sjálf,“ segir Marzena og aðspurð hvernig er að vinna með mosann segir Marzena að þegar mosinn er tekinn upp er hann þurrkaður í stuttan tíma og settur í glýserin.

Fer í trans

Þegar glyserínið er komið í mosann tæmist rakinn og vatnið í mosanum og glýserinið sjálft gerir það að verkum að þá er betra að vinna að lögun og sveigjanleika formsins í mosanum og þá er hægt að láta form hans halda sér líkt og hann lítur út, út í skógi: Ég fer í trans þegar ég vinn með mosann og stundum eru  klukkustundirnar eru orðnar fimm eða sex þegar ég lít upp. Mosaíkverkin hafa ákveðna dýpt, mismunandi lögun og liti. Markmið mitt er að þau líti út eins og í skóginum.

Ég elska að labba um í skógi og sjá mismunandi lögun mosanna og tengi í huganum þegar ég er að vinna mosann. Ég er einnig með mismunandi liti af mosanum eins og mosinn sjálfur breytir um lit eftir árstíðum. Eins má segja um hreindýramosann sem er náttúrulega hvítur og silfraður á litinn. Ég er einnig með ákveðnar hugmyndir um að gera logo fyrir fyrirtæki, með hvítum panelli í grunninn og svartan mosa með logoinu á,“segir Marzena.

Uppruna vottaður

Ég flyt mosann inn frá Póllandi og Finnlandi og sér systir mín um að flytja hann með pósti til mín. Ég fæ sérstakan stimpil frá fyrirtækjunum erlendis með vottun um að hann sé í upprunalegu ástandi þegar ég fæ hann, þe. týndur upp í náttúrunni á réttan hátt í skóginum og er það einnig sérstakt leyfi til að flytja hann til landsins. Þeir sem rækta mosann láta svo svæðin sem hann er týndur á jafna sig og þannig rækta þeir mosann upp aftur á tvemur til þremur árum. Í grundvallaratriðum eyða þau ekki náttúrunni heldur leyfa náttúrunni að jafna sig og græða sig upp aftur” segir Marzena.

Marzena er góð í markaðssetningu og er með viðskiptahugmyndir bæði hjá fyrirtækjum og einstaklingum. Hún hefur alltaf haft mikinn áhuga á handverkum eins og prónaskap og metur listamenn mikils: „Mér líkar þegar fólk selur og kaupir eitthvað einstakt, eitthvað sem það skapar með höndum sínum. Allt handverk finnst mér mjög skemmtilegt.  Ég hef áhuga á að selja fyrirtækjum mosann sem logo. Ég sé fyrir mér að mosinn sé þakinn á veggnum og logoið búið til í auða rýminu með mosanum,” segir Marzena og þess að má geta að hún er í samstarfi við tvö fyrirtæki vegna hugmyndarinnar og segir hún rólega:

„Það eru fleiri sem vilja færa náttúruna heim til sín og þeir sem þekkja mig vita að ég þoli ekki gerviplöntur. Þetta eru ekki gerviblóm en samt hentar þetta konum sem gleyma að vökva blómin sín vegna þess að þær ferðast mikið eða eru mikið uppteknar. Þá er þetta fullkomin lausn segir Marzena og bætir við að mosinn megi ekki vera nálægt gluggum vegna þess að þá verði hann þurr og stífur : „Það þarf ekki að spreyja hann og hann safnar ekki ryki, né er ofnæmisvaldandi. Hann getur verið óbreytanlegur upp á vegg í tíu til tólf ár. Hann gæti vel hentað í forstofu” segir Marzena.

Mosinn róandi

Aðspurð hvort verkin dragi náttúruna úr skóginum inn í heimilin okkar segir hún það gerast: „Það er eins og að fara í göngutúr út í skóg án þess að fara að heiman og er græni liturinn í mosanum og mosinn sjálfur mjög róandi. Hann er hluti af náttúrunni. Ein af mínum vinkonum æfir jóga segir að heimilið hennar sé friðsamlegra með verkin mín nálægt og á meðan hún er í jóga. Það sé slakandi,” segir Marzena að lokum. Þess má geta að Marzena er með síðu á samfélagsmiðlinum facebook og instagram. Hún verður með sýningu á goslokunum, þann 4. til 7. júlí í húsi Taflfélagsins á Heiðarveginum.

Grein: Anna Lilja