Siggi Björns var síðast með tónleika á Stokkseyri í október s.l. á frábærum tónleikum með sinni norrænu vísnasveit sem nefnd er Freyja. Hann hefur oft haldið tónleika á Stokkseyri, einn eða með öðrum, og á tryggan aðdáendahóp á svæðinu.

Sérstakur gestur með Sigga Björns nú verður Lýður Árnason fjöllistamaður á Flateyri sem verður með létta og sérlega skemmtilega kosningasveiflu sem sló í gegn á Vestfjörðum nýlega. Lýður er fjölhæfur listamaður og hefur gert nokkrar kvikmyndir svo sem; Í faðmi hafsins, Jólamessan, Ísmaðurinn og Skuggabörn sem fengu Eddu-verðlaun í haust. �?á hefur hann gefið út marga hljómdiska ásamt hljómsveitum sínum og hélt eftirminnilega útgáfutónleika með hljómsveitinni Gögl á Stokkseyri fyrir nokkrum árum.

Sunnlendingar! missið ekki af þessum tónleikum og kosningasveiflu sem er nýtt innlegg í menningarflóruna hér.