Staðan á skipulagsmálum í Vestmannaeyjum og hvað er framundan
Jóna Sigríður Guðmundsdóttir

Mikil uppbygging hefur verið í Vestmannaeyjum undanfarin ár hjá einstaklingum, fyrirtækjum og sveitarfélaginu sem er mikið gleðiefni.

Í dag eru aðeins 15 lóðir lausar fyrir einbýlishús en engar fyrir fjölbýlishús, atvinnuhúsnæði né fyrir frístundahús. Árið 2020 voru 33 lausar lóðir en frá þeim tíma hefur verið gert nýtt deiliskipulag og lóðir auglýstar í Áshamrinum, athafnasvæði við Græðisbraut, norðurhluta austurbæjar Sólhlíð, athafnarsvæði við flugvöll og miðbær Hvítingavegur. Samtals eru 30 nýjar lóðir á þessum svæðum meðtöldum fimm lóðum á svæði miðbær Hvítingavegur en þær hafa ekki farið í auglýsingu.

Mikil áhersla hefur verið lögð á að þétta byggð og hefur það gengið mjög vel eins og fjöldi lausra lóða sýnir.

Nýjar lóðir – nýtt deiliskipulag
Í nýju deiliskipulagi í Áshamrinum er nú þegar búið að úthluta öllum raðhúsalóðunum. Á fundi umhverfis- og skipulagsráðs í vikunni var ákveðið að auglýsa lóðir fyrir lítil fjölbýlishús, um er að ræða fjórar fjórbýlishúsalóðir, samtals 16 íbúðir. Þá á aðeins eftir að auglýsa fjölbýlishúsalóðina sem er fyrir 18 íbúðir.

Athafnasvæði við Græðisbraut var deiliskipulagt m.a. vegna ákvörðunar um staðsetningu á nýrri slökkvistöð og þá um leið öðrum lóðarhöfum gert kleift að óska eftir breytingum.

Í deiliskipulagi norðurhluta austurbæjar Sólhlíð urðu til nýjar lóðir og hefur öllu verið úthlutað.

Nýtt deiliskipulag, athafnasvæði við flugvöll, var gert og ákveðið að áfangaskipta úthlutun á því svæði, en 11 lóðir voru í fyrsta áfanga. Ákveðið var að áfangaskipta úthlutuninni þar sem óvíst var hver eftirspurn fyrir slíkar lóðir væri. Eftirspurn var framar vonum og verður fljótlega farið í að auglýsa seinni áfanga svæðisins.

Deiliskipulag fyrir miðbæ Hvítingaveg var samþykkt á síðasta bæjarstjórnarfundi og er nú í stjórnsýslulegu ferli. Lóðirnar eru fimm á því svæði og munu fara í auglýsingu á næstu dögum.

Ný leið í þéttingu byggða
Boðaslóð 8-10, Rauðagerðislóðin, hefur farið í gegnum ferli kauptilboðs í hús og byggingarétt og mun í framhaldinu fara í deiliskipulagsferli en þar má áætla að verði um 18 íbúðir. Um er að ræða mjög spennandi lóð í grónu hverfi. Ráðið ákvað að fara þessa nýju leið með þessa eftirsóttu lóð til þess að fá heildarsýn á reitinn.

Hvað er í vinnslu og skoðun?
Deiliskipulag fyrir miðbæjarsvæðið er langt komið í vinnslu og mun fara til afgreiðslu í umhverfis- og skipulagsráði og bæjarstjórn á næstu vikum.

Nýtt svæði fyrir frístundabyggð er í skoðun og mun í framhaldi fara í deiliskipulagsferli.

Miðgerði er á bið þar sem Minjastofnun telur að fornminjar séu á hluta af svæðinu og þarfnast frekari skoðunar þeirra áður en hægt er að úthluta lóðum, en það svæði er nú þegar skipulagt.

Framtíðarsýn
Stóru verkefnin sem eru framundan í skipulagsmálum eru annars vegar Löngulág, malarvöllur og svæðið í kring, en í fjárhagsáætlun fyrir árið 2022 var gert ráð fyrir fjármagni í deiliskipulag á því svæði og í framhaldinu mun verða hægt að auglýsa þar fjölbreyttar lóðir. Hins vegar er nýja hraun, þróunarsvæði sem er merkt sem M2 í aðalskipulagi. Svæðið liggur austan við miðbæ á mótum Kirkjuvegar og Skansvegar. Unnið er að minnisblaði fyrir umhverfis- og skipulagsráð um hver möguleg næstu skref eru fyrir svæðið. Mikilvægt er að skoða alla möguleika til að fjölga lóðum í miðbænum, enda lóðir í miðbænum mjög eftirsóttar. Nauðsynlegt er fyrir bæjarfélagið að eiga fjölbreyttar lóðir lausar svo frekari uppbyggingu verði ekki hamlað.

Þegar horft er til baka þá er ekki annað hægt en að dást að framtakssemi og krafti einstaklinga, fyrirtækja og sveitarfélagsins sem standa að baki myndarlegri uppbyggingu í bæjarfélaginu. Slíkt hefur jákvæð áhrif á allt samfélagið og styrkir það um leið. Þetta endurspeglast í ánægju bæjarbúa eins og þjónustukannanir hafa sýnt undanfarin ár. Hér vill fólk búa og líður vel í sínu nærumhverfi.

Jóna Sigríður Guðmundsdóttir
Formaður umhverfis- og skipulagsráðs

Nýjustu fréttir

Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.