ÍBV sækir Fylki heim í dag í Árbæinn í 17. umferð Pepsídeildar karla. Ekki þarf að fjölyrða um gengi ÍBV í undanförnum leikjum en liðið hefur aðeins gert tvö jafntefli í síðustu sex leikjum en tapað fjórum. Á sama tíma hefur Fylkir náð að snúa gengi liðsins algerlega við eftir slaka byrjun. Liðið hefur í síðustu sjö leikjum sínum fengið 15 stig af 21 mögulegu, hafa gert þrjú jafntefli en unnið fjóra leiki, m.a. Stjörnuna á útivelli og hafa ekki tapað leik síðan 30. júní. Það verður því við rammann reip að draga hjá ÍBV í dag.