Markvörður ÍBV, David James er í stóru viðtali í Monitor og prýðir jafnframt forsíðu blaðsins. James fer fögrum orðum um Ísland og íslenska náttúru og rifjar m.a. upp Herjólfsferð sem honum fannst mikið til koma. „Ég fór í ferjuna um daginn og það var ótrúlegt. Himinninn og hafið, allt var skærblátt, tunglið var á lofti og það liggur við að þetta hafi minnt mig á Titanic. Ég er mjög hrifinn af myndlist og ljósmyndun þannig að þetta var algjör veisla fyrir mig með myndavélina,“ sagði James í viðtalinu.