Í dag, mánudag hefur Herjólfur siglt í viku samfleytt til Þorlákshafnar. Síðasta ferð Herjólfs í Landeyjahöfn var sunnudaginn 6. nóvember en síðan þá hefur veðurfar, ölduhæð og dýpi í höfninni komið í veg fyrir að hægt sé að nota höfnina. Elliði Vignisson, bæjarstjóri segir að dýpkunarskipin Skandia og Perlan séu í startholunum en enn hefur ekki verið hægt að mæla dýpi í höfninni fyrir sjólagi. Elliði vill fá öflugri dýpkunartæki og hefja strax undirbúning á smíði nýrrar ferju.