Botnslagur í dag þegar Eyjamen leika á móti Aftureldingu hér í Eyjum

ÍBV er í neðsta sæti með ekkert stig en Afturelding er í sjötta sæti með 6 stig, hefur unnið 2 og gert 2 jafntefli.

Afturelding er að spila vel um þessar mundir, hafa gert 2 jafntefli í síðustu 3 leikjum sínum. ÍBV hefur tapað síðust þremur leikjum sínum stórt og lítið verið að ganga upp.

Afturelding spilar mjög góða 6-0 vörn en geta líka spilað 5-1. ÍBV hafa verið að spila 5-1 eftir að Sigþór meiddist en geta nú skipt í 6-0 með Davíð og Sergey.

Sigurður Bragason tekur út sinn fyrsta leik af tveim í banni eftir að hafa séð rautt gegn Haukum. Úkraínu maðurinn Sergey Trotsenko er á leiðini til Íslands og kemur til Eyja í kvöld. Sergey er 30 ára örvhent skytta og mun hann leika sinn fyrsta leik á móti Aftureldingu. Gintaras kemur aftur inn í hópinn eftir að hafa hvílt á móti Stjörnunni í síðasta leik. Svavar Vignis kemur inn í hópinn eftir að hafa hvílt 9 síðustu leiki. Munu þessir þrír leikmenn styrkja ÍBV liðið mjög mikið bæði í vörn og sókn.

ÍBV hefur ekki unnið Aftureldingu í 4 síðustu leikjum, töpuðu öllum 3 leikjunum á móti þeim í 1.deild og töpuðu á móti þeim nú fyrr á árinu. Nú er rétti tíminn til að snúa þessu við taka fast á móti þeim á heimavelli og vinna fyrsta leikinn í deildinni.

Leikmenn ÍBV biðja alla Eyjamenn og stuðningsmenn ÍBV að fjölmenna á leikinn og styðja við bakið á okkur því ekki veitir okkur af. Við lofum ykkur skemmtilegum leik og viljum við hafa ykkur með þegar fyrsti sigurleikurinn kemur. Áfram ÍBV !

Nýjustu fréttir

Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Fréttir
Vatn loksins farið að renna í laugina
Úr blaði Eyjafrétta
Eyjalistinn tilbúinn – Miðflokkurinn kynnir sinn lista í kvöld
Fréttir
Norlandair með lægsta tilboð í flug til Eyja
Sjávarútvegur
„Hörkufiskirí”
Fréttir
Gular viðvaranir í öllum landshlutum
Skólamál
Viðburðaríkir og skemmtilegir fjölgreindarleikar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.