Tæpar 8 klst í sjónum

Eyjafréttir
·
Fréttir
·
23. júlí 2022

Í gær synti Sigurgeir Svanbergsson frá Vestmannaeyjum upp í Landeyjasand, alls um 12 km langa leið til styrktar Barnaheill. Ágóðinn af sundinu rennur til barna á stríðshrjáðum svæðum.

Til stóð að hann hæfi sundið á Eiðinu kl. 15:15, en brottför frestaðist á hátt í klukkustund, og kom í Landeyjasand kl. 23:50 og var því tæpar 8 klst í sjónum, sem verður að teljast ansi mikið þrekvirki, en að sögn gekk sundið vel.

Sigurgeir er sjötti einstaklingurinn til að synda þessa leið og fá allir sundmenn nafn sitt ritað á Eyjasundsbikarinn sem er varðveittur í sundlaug Vestmannaeyja.

En afhverju að fara í þessa þrekraun?
Sigurgeir segir sjálfur frá:

Eins og flestir sem þekkja mig mjög vel vita, þá er ég stöðugt að leita að aðstæðum til að sjá hvert hugurinn fer þegar maður er kominn í “ómögulegar” aðstæður. Ég hef prufað margt krefjandi og sett mig allskonar líkamlega tilburði sem margir myndu kannski flokka undir “tómt rugl”.

Að synda mjög langa vegalengd er eitthvað sem ég lít á sem fullkomið próf. Þú kynnist sjálfum þér á hátt sem ekki er hægt að útskýra með orðum. Þú verður að gera þér fullkomnlega grein fyrir því að þegar þú ert komin/nn í sjóinn þá ertu ekki að fara að stoppa fyrr en á leiðarenda er komið. Ef þú stoppar þá gætirðu verið að tapa dýrmætum tíma.

Í fyrra lærði ég heilmikið um hvað allt þarf að smella til að svona þrekraun gangi vel og ég gerði heilmikið af allskonar mistökum sem kenndu mér klárlega mjög mikið.

Í grunninn snýst þetta um það sem ég hef lengi talað fyrir og það er “hversu langt leyfir hausinn þér að fara?” Hvenær heldur þú að öll orka sé búin og hvenær er hún það í raun og veru? Hversu mikið er hægt að ýta þér niður í þrot, bugun og nánast uppgjöf en ekki gefast upp. Hver er munurinn á hausnum þegar þú stígur út í og þegar sjósundið hefur staðið í marga klukkutíma?

Ekkert hefur verið nær því að buga mig en sjósund í langan tíma og það gerir það mjög áhugavert fyrir mér. Það þýðir að ég mun alltaf ganga aðeins lengra og halda áfram að ögra mér.

Í ár er samt einn stór munur frá því í fyrra og hann er sá að núna kann ég allavega smá að synda!

Texti og mynd af Facebook síðu Sigurgeirs

Eyjasundsbikarinn er varðveittur í verðlaunaskáp sundlaugar Vestmannaeyjabæjar.

Nýjustu fréttir

Fréttir

Herjólfur til Landeyjahafnar seinni partinn

Aðsent

Sigurjón og Auðunn jafnir efstir á Skákþingi Vestmannaeyja 2026

Íþróttir

Emil Gautason í lokahóp u-16

Aðsent

900 krónur urðu að 45 milljónum!

Fréttir

Vara við snjóhengjum og grýlukertum

Myndband

Staðan í Viðlagafjöru þremur árum eftir fyrstu skóflustungu

Menning

S!ll! sendir frá sér nýtt lag og heldur tónleika í kvöld

Áhugavert

Óska eftir framlengingu á flugi vegna stöðunnar í Landeyjahöfn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki