Þá er búið að tengja við Álseynna og gekk það ágætlega. Þeir eru bakborðs hleri og þá er vaninn að þeir skjóti línu yfir til okkar því þeir sækja vænginn. En eftir fimm tilraunir þá var tekið til óskiptra málana, byssan hlaðin hjá okkur og línuni skotið yfir í fyrstu tilraun. Þetta var svo flott skot að kúlan lenti í fanginu á þeim. Mönnum fannst þetta svo vel heppnað hjá kallinum að það er talað um að ég eigi að leggja þetta fyrir mig. Ekki amalegt. En ég tek þessu hrósi með hógværð.
Álsey VE er myndarlegasta skip og eiga Óli og peyjarnir örugglega eftir að gera góða hluti í framtíðinni á skipinu. Það var ekkert lóð komið undir hjá okkur þegar ég var uppi í brú síðast en Óli hafði farið yfir ágætis lóð aðeins austar en þar sem við köstuðum, og erum við að toga okkur þangað.Svo er bara að krosleggja fingur og setja á sig hnépúðana, skella sér á skeljarnar og vona að eitthvað komi í blessaðann brandinn.
http://www.123.is/tobbivilla/