Knattspyrnudeild ÍBV hefur ákveðið að kaupa Tonny Mawejje, úganska miðjumanninn sem hefur verið í láni hjá Eyjamönnum í sumar. Mawejje var lánaður frá úganska úrvalsdeildarliðinu URA fyrir þetta tímabil og höfðu Eyjamenn forkaupsrétt á leikmanninum, sem þeir nýta sér nú. Sigursveinn Þórðarson, formaður knattspyrnudeildar, segir kaupverðið trúnaðarmál. Kauptilboð ÍBV hafi hins vegar verið samþykkt og nú sé unnið að því að semja við leikmanninn.