Ísfélag Vestmannaeyja greiddi starfs­fólki í landi tvöfalda des­emb­eruppbót á dögunum og vildi með því sýna þakklæti fyrir vel unnin störf á árinu. Gunnlaugur Sævar Gunnlaugss­on, stjórnarformaður Ísfélagsins, sagði síldveiðarnar í haust hafa breytt miklu fyrir félagið. Þær hafi verið óvænt búbót fyrir félagið og því hafi stjórn félagsins ákveðið að deila þeim ávinningi með starfsfólkinu í jólamánuð­inum. Með stöðugleika­sátt­mála hafi umsömdum launa­hækkunum verið slegið á frest og starfsfólk sýnt mikla fórnfýsi og biðlund.