Það blés ekki byrlega fyrir útgerð Hugins VE 55 þegar þeir fengu nýtt skip afhent. Það var smíðað í Chile og kom til heimahafnar í Vest­mannaeyjum í júlí 2001. Gengi íslensku krónunnar hafði fallið þann­ig að forsendur fyrir kaupunum höfðu breyst en þeir gáfust ekki upp og eftir um vikustopp var haldið til veiða og eru þær ekki margar vik­urnar sem skipið hefur legið að­gerðarlaust síðan. Þarna fór Guð­mundur Huginn Guðmundsson, skip­stjóri og útgerðarmaður fyrir fjölskyldu sinni sem þarna var að fá sitt fjórða skip með sama nafni.