Mikil umræða hefur verið um stöðu sjúkraflugs í Vestmannaeyjum undanfarnar vikur og er ætlun mín að reyna að varpa ljósi á hvernig staðan er og hvort þeir sem slasast eða veikjast alvarlega hafi jafna möguleika og aðrir landsmenn til að fá besta mögulegu læknismeðferð á sem stystum tíma. Til að gera fólki grein fyrir hvað við er átt, þá miða flest vestræn ríki sig við ákveðinn tíma sem líður frá slysi þangað til sjúklingur er kom­inn undir læknishendur þar sem varanleg lækning eða meðferð getur farið fram.