Vegna fjölda fyrirspurna er Einar Mikael töframaður á leið til Vestmannaeyja og ætlar að halda námskeið í töfrabrögðum fyrir krakka. Námskeiðið hefur vakið mikla lukku og verið eitt það vinsælasta síðastliðin þrjú ár en yfir 7000 krakkar hafa lært að galdra og framkvæma sjónhverfingar. Námskeiðið verður í Höllinni klukkan 11 næsta sunnudag og stendur það yfir í 90 mínútur. Námskeiðið kostar 1000 krónur. Eftir námskeiðið fá allir krakkar að halda á alvöru töfradúfum og fá mynd með Einari Mikael.