Vestmannaeyjahlaupið hefur verið valið sjötta besta götuhlaup ársins 2013. �?etta kemur fram í frétt á hlaup.is en keppendur skila inn einkunum eftir hvert hlaup og raðast hlaupin svo eftir einkunnargjöf. �?etta er mjög góður árangur, enda Vestmannaeyjahlaupið frekar nýtt af nálinni en alls voru 54 hlaup sem fengu einkunn.

Einkunnargjöfin er margþætt en gefin er einkunn fyrir hlaupaleið, brautarvörslu, brautarmerkingar, drykkjarstöðvar, tímatöku, marksvæði, verðlaun, tímasetningu og skipulag. Vestmannaeyjahlaupið skorar hátt í öllum flokkum, um eða yfir 9 í öllum flokkum nema í verðlaunaflokki þar sem hlaupið fær 7,3 og verður auðvelt fyrir skipuleggjendur Vestmannaeyjahlaupsins að ráða fram úr því. Vestmannaeyjahlaupið fær fullt hús stiga fyrir marksvæðið og tímasetningu og 9,7 fyrir skipulagningu.

Vestmannaeyjahlaupið verður að sjálfsögðu haldið að nýju í ár en hlaupið fer fram laugardaginn 6. september.