Jonathan Glenn skrifaði í dag undir eins árs samning við ÍBV. Jonathan kemur frá Trínidad og Tóbagó, eins og kantmaðurinn Dominic Adams, sem samdi í gær til tveggja ára við ÍBV. Jonathan Glenn er hins vegar sóknarmaður en báðir voru þeir til reynslu hjá félaginu á dögunum. �??Jonathan lék með St. Leo háskólanum í Florida og er 5. markahæsti leikmaður í sögu skólans þar sem hann skoraði 41 mark í 57 leikjum og lagði upp 16 mörk. Eftir útskrift hefur Jonathan leikið með Vermont Voltage í PDL deildinni og Jacksonville United í NPSL deildinni í Bandaríkjunum. ÍBV bauð Jonathan samning eftir að hann æfði og lék með félaginu gegn Haukum í Fótbolti.net mótinu og í vináttuleik gegn Val fyrir skömmu síðan. ÍBV býður Jonathan velkominn til félagsins og væntir mikils af honum á komandi keppnistímabili,�?? segir í tilkynningu frá ÍBV.