Í dag voru veitt verðlaun í Snilldarlausnum Marels 2014. Verkefni keppninnar var að auka virði flösku og þurftu þátttakendur að finna út hvernig mætti gera það. Fjórir Eyjapeyjar, þeir Arnar Sveinn Guðmundsson, Aron Máni Símonarson, Baldvin Búi Wernerson, �?órður �?rn Stefánsson, tóku þátt og útbjuggu V-Hleðslu þar sem flösku er umbreytt í hleðslutæki sem styrkir vöðva líkamans en um leið hleður hún raftæki í gegnum USB. Snúru er stungið í flöskuna og fer þá fram umbreyting hreyfiorku í raforku. Myndband sem fylgir fréttinni útskýrir betur við hvað er átt en Eyjahópurinn fékk verðlaunin Líklegast til framleiðslu og einnig Vinsælustu lausnina. Nemendurnir hafa sótt tíma í Fab 203 í FÍV í Fab Lab smiðjuna í Eyjum og þar fóru þeir ásamt öðrum nemendum í gegnum vöruþróunarferli frá hugmynd til afurðar og er flöskuhleðslutækið ein af afurðum þess.

Strákarnir eru allir nemendur í Framhaldsskólanum í Vestmannaeyjum en þeir fengu í verðlaun 50.000 kr. í reiðufé ásamt gjafakörfu frá �?lgerðinni.