- Eyjafréttir
- ·
- Almennt
- ·
Veðurstofa Íslands hefur gefið út gular veðurviðvaranir fyrir allt landið frá klukkan 17.00 á mánudag, 3. júní. Er hún í gildi til miðvikudagsins 5 júní kl. 23:59.
Allt Ísland
Hríð á Norður- og Austurlandi (Gult ástand)
Spár gera ráð fyrir að djúp lægð taki sér stöðu fyrir austan land síðdegis á mánudag. Undir kvöld á mánudag má búast við norðan og norðvestan hvassviðri eða stormi (meðalvindur 15-23 m/s) víða um land, þó er útlit fyrir heldur hægari vind á vestasta hluta landsins. Með kaldri norðanáttinni fylgir talsverð úrkoma á Norður- og Austurlandi. Lengst af rigning eða slydda nærri sjávarmáli, en snjókoma inn til landsins. Óvissa er varðandi hæð snjólínunnar, líkur eru á að hæðin verði breytileg innan viðvörunartímabilsins og ekki er útlilokað að um tíma snjói langleiðina niður að sjávarmáli.
Líkur eru á því að veðrið verði langvarandi og margar spár sýna að því sloti ekki fyrr en á föstudag. Ef spár rætast, er um að ræða óveður sem er mjög óvenjulegt á þessum árstíma, bæði hvað varðar vindstyrk og einnig lágt hitastig samfara talsverðri úrkomu. Huga þarf að lausamunum sem geta fokið. Ferðalög geta verið varasöm, sérílagi á ökutækjum sem eru viðkvæm fyrir vindi. Snjóþekja getur sest á vegi á Norður- og Austurlandi, einkum fjallvegi. Huga þarf að því að koma búfénaði í skjól. Útivistarfólki er bent á að fara yfir áætlanir sínar með tilliti til kulda og vosbúðar sem óveðrinu fylgir.
Víða hvassviðri eða stormur (Gult ástand)
Spár gera ráð fyrir að djúp lægð taki sér stöðu fyrir austan land síðdegis á mánudag. Undir kvöld á mánudag má búast við norðan og norðvestan hvassviðri eða stormi (meðalvindur 15-23 m/s) víða um land, þó er útlit fyrir heldur hægari vind á vestasta hluta landsins. Með kaldri norðanáttinni fylgir talsverð úrkoma á Norður- og Austurlandi. Lengst af rigning eða slydda nærri sjávarmáli, en snjókoma inn til landsins. Óvissa er varðandi hæð snjólínunnar, líkur eru á að hæðin verði breytileg innan viðvörunartímabilsins og ekki er útlilokað að um tíma snjói langleiðina niður að sjávarmáli.
Líkur eru á því að veðrið verði langvarandi og margar spár sýna að því sloti ekki fyrr en á föstudag. Ef spár rætast, er um að ræða óveður sem er mjög óvenjulegt á þessum árstíma, bæði hvað varðar vindstyrk og einnig lágt hitastig samfara talsverðri úrkomu. Huga þarf að lausamunum sem geta fokið. Ferðalög geta verið varasöm, sérílagi á ökutækjum sem eru viðkvæm fyrir vindi. Snjóþekja getur sest á vegi á Norður- og Austurlandi, einkum fjallvegi. Huga þarf að því að koma búfénaði í skjól. Útivistarfólki er bent á að fara yfir áætlanir sínar með tilliti til kulda og vosbúðar sem óveðrinu fylgir.
