Ísfisktogarinn Vestmannaey VE landaði fullfermi af karfa í Eyjum í gærmorgun. Á vefsíðu Síldarvinnslunnar er rætt við Birgi Þór Sverrisson skipstjóra í seinni partinn í gær og forvitnast um túrinn.

„Þetta var fullfermi af karfa. Það voru nokkrir ufsar með í aflanum. Við fengum karfann á Reykjanesgrunni og í Skerjadýpinu og það gekk vel að veiða. Við vorum að veiðum einungis í einn og hálfan sólarhring. Þetta er fínasti karfi og hann fer beint í útflutning. Veðrið var ekkert til að væla yfir en það var kaldi allan tímann. Við héldum til veiða strax að löndun lokinni og nú á að veiða ýsu, þorsk og ufsa. Við erum komnir á Höfðann og byrjaðir veiðar. Stefnt er að því að landa á miðvikudagskvöld og síðan er Þjóðhátíð á dagskrá. Við gerum ráð fyrir að halda á ný til veiða á mánudag að lokinni Þjóðhátíðinni,” segir Birgir Þór.