Eftir Frosta Sigurjónsson.

Bókin er skrifuð af því tilefni að Íslendingar gætu fljótlega þurft að taka af­stöðu til þess hvort innganga í Evrópusambandið sé skynsamleg. Hún fjallar ekki um kosti og galla aðildar Íslands að ESB en gefur þess í stað greinargóða lýsingu á uppbyggingu sambandsins, stjórn­kerfi þess og þróun til dagsins í dag. Sérstaklega er fjallað um eigin­leika tolla­banda­lags ESB, stefnu þess í landbúnaðar- og sjávarútvegsmálum og einnig um utanríkismál ESB og myntbanda­lag evrunnar.

Áföll eins og fjármálahrun, Brexit, flóttamannavandi og heims­faraldur, sýna styrkleika og veikleika sambandsins og bókin skoðar hvernig ESB gekk að vinna úr þeim.
Í byrjun árs 2026 glímdi Evrópusambandið við nokkur stór vandamál sem tekin eru til skoðunar í bókinni, svo sem vaxandi lýðræðishalla, öldrun, versn­andi skulda­stöðu, ófjármagnaða lífeyrissjóði, stríð í Úkraínu, hátt orku­verð og ef­na­hags­samdrátt. Á sama tíma hefur fylgispekt aðildar­ríkjanna við stefnu og ýmsar ákvarðanir ESB farið minnkandi.

Evrópusambandið er nú á krossgötum. Leiðtogar sumra aðildarríkja og æðstu embættismenn ESB, segja nauð­syn­legt að ESB verði sam­bands­ríki og herveldi, til að ráða við aðsteðjandi vandamál og treysta stöðu þess í sam­keppni stór­velda í framtíðinni.

Bókin um ESB er skrifuð fyrir þá sem vilja vita hvernig sambandið starfar og helstu áskoranir þess í dag, einskonar rýniskýrsla og skyldu­lesning fyrir alla sem vilja vita „hvað er í pakkanum“.

Bókin er 130 blaðsíður og er fáanleg bæði sem kilja og rafbók.

Bókin um ESB fæst á vefslóðinni: https://frostis.is/verslun/