Framkvæmda- og hafnarráð Vestmannaeyja hefur samþykkt að taka tilboði COWI í umhverfismat og vinnu við nýtt aðalskipulag á svæðinu við Eiðið og Haugasvæðið. Tilboð fyrirtækisins hljóðaði upp á tæpar 14,9 milljónir króna og var það lægsta af fjórum tilboðum sem bárust.
Áður hafði hafnarstjóra og sviðsstjóra umhverfis- og framkvæmdasviðs verið falið að kanna verð í verkefnið, sem tengist áformum um stórskipakant og grjótleit. Tilboðin voru opnuð 25. ágúst.
Tilboðin voru eftirfarandi:
Framkvæmda- og hafnarráð samþykkti að taka lægsta tilboðinu og fól hafnarstjóra og sviðsstjóra að ganga til samninga við COWI á grundvelli þess.
Í fundargerð ráðsins kemur fram að vinna við umhverfismat og nýtt aðalskipulag á svæðinu við Eiðið sé mikilvægt skref í áframhaldandi innviðauppbyggingu Vestmannaeyjahafnar. Verkefnið eigi að skapa nauðsynlegar forsendur fyrir frekari uppbyggingu hafnarinnar og styrkingu samfélagsins til framtíðar.
Ráðið leggur ríka áherslu á hraða og örugga framvindu verkefnisins enda sé um mikilvæga framkvæmd að ræða fyrir framtíðaruppbyggingu og starfsemi Vestmannaeyjahafnar.
Þessu tengt
Nú er unnið að rannsóknum á jarðefni úr gryfju á Haugasvæðinu í Vestmannaeyjum til að kanna hvort þar sé að finna grjót sem hentar í fyrirhugaða stórskipahöfn við Eiðið. Takist að vinna nægilega stórt og gott grjót á staðnum gæti það sparað hundruð milljóna króna, að sögn Brynjars Ólafssonar, framkvæmdastjóra umhverfis- og framkvæmdasviðs Vestmannaeyjabæjar. Annars […]
