Seinni ferðir Herjólfs í dag, sunnudaginn 18. október, falla niður vegna veðurs og sjólags. Um er að ræða brottför frá Vestmannaeyjum kl. 16:00 og frá Þorlákshöfn kl. 19:45.

Í tilkynningu frá Herjólfi ohf. segir að ákvörðunin sé tekin með hagsmuni farþega og áhafnar í huga og er óskað eftir skilningi farþega. Þeir sem áttu bókað í ferðirnar eru beðnir um að hafa samband við skrifstofu félagsins til að færa bókun sína.

Siglt til Þorlákshafnar á morgun

Mánudaginn 19. október siglir Herjólfur til Þorlákshafnar samkvæmt eftirfarandi áætlun:

• Frá Vestmannaeyjum kl. 07:00 og 16:00.
• Frá Þorlákshöfn kl. 10:45 og 19:45.

Síðari ferð frá Vestmannaeyjum færist því frá kl. 17:00 til kl. 16:00 og síðari ferð frá Þorlákshöfn frá kl. 20:45 til kl. 19:45.