Það er mikill kraftur og eftirvænting í okkur hjá Eyjalistanum þessa dagana. Við fögnum því að opna í dag nýja og glæsilega heimasíðu okkar, Eyjalistinn.is, þar sem hægt er að nálgast allar helstu upplýsingar um listann okkar og framtíðarsýn.

Samhliða opnuninni birtum við stefnuskrá okkar fyrir komandi kjörtímabil í heild sinni. Stefnuskráin okkar er afrakstur mikillar samvinnu og einlægs vilja til að gera góðan bæ enn betri. Við hvetjum alla Eyjamenn til að kíkja á vefinn, glugga í málefnin og sjá hvað við höfum fram að færa fyrir samfélagið okkar.

Hátíðarstemning 1. maí: Fjölskyldudagur á Stakkagerðistúni. Við viljum nýta þennan áfanga og bjóða ykkur öll hjartanlega velkomin á fjölskyldudag Eyjalistans á Stakkagerðistúni þann 1. maí! Það er fátt skemmtilegra en að sjá líf og gleði í miðbænum og við hlökkum til að eiga góða stund saman í hjarta Eyjanna. Í kjölfarið hvetjum við fólk til að fjölmenna í 1.maí kaffi Drífanda í Akóges sem hefst kl. 14.

Á túninu verður nóg um að vera fyrir alla fjölskylduna:

Hoppukastalar fyrir hressa krakka.

Andlitsmálun sem lífgar upp á daginn.

Candyfloss fyrir sælkera á öllum aldri.

Góð samvera og spjall við okkur frambjóðendurna.

Við hvetjum ykkur til að mæta með bros á vör og njóta dagsins með okkur. Hlökkum til að sjá ykkur, segir i tilkynningu Eyjalistans.