Nú er ljóst að ÍBV mætir Aftureldingu í umspili um laust sæti í úrvalsdeild. Selfoss tryggði sér í gærkvöldi annað af tveimur lausum sætum í úrvalsdeild næsta vetur þegar liðið lagði einmitt Aftureldingu á Selfossi og náði um leið efsta sætinu af þeim í 1. deild. Afturelding endar þar með í öðru sæti og mætir ÍBV í undanúrslitum umspilsins. Í kvöld skýrist hvaða tvö lið mætast í hinni viðureigninni þegar síðasta umferð úrvalsdeildarinnar fer fram.