Venju samkvæmt var mikið fjör í gær á föstudegi á Goslokahátíð. Fjölmennt var í bænum og létu hátíðargestir sig ekki vanta í rjómablíðunni á Bárustíg, en þar var tónlist og grillaðar pylsur í boði Landsbankans. Leikfélag Vestmannaeyja var á vappi um svæðið og Litla skvísubúðin stóð fyrir glæsilegri tískusýningu. Íþróttafélagið Ægir bauð upp á kennslu í boccia og Bryndís Jónsdóttir, íþróttakennari, var með leiki fyrir börnin á Stakkagerðistúni.

Síðar um kvöldið efndu Bjartmar og Bergrisarnir til tónleika í stappfullri Höllinni. Þar fluttu félagarnir bestu lög Bjartmars og strax á eftir tók við goslokaball með Sibba og Lundunum.

Hinum megin í bænum á Lundanum sá Erpur Eyvindarson, betur þekktur undir nafninu Blaz Roca, um að skemmta lýðnum ásamt rapparanum Blaffa og lækninum og plötusnúðnum Doctor Victor.

Myndir frá gærdeginum má sjá að neðan.